Aksidente nin Costa Concordia
![]() Nagsagrad, may mga barotong salbabida asin mga pabutog nakalaylay sa mga gilid kan bapor | |
Petsa | 13 Enero 2012 |
---|---|
Oras | 9:45 p.m. |
Kinamumugtakan | Tyrrhenian Sea Off Isola del Giglio, Tuscany |
Tagboan | 42°21′55″N 10°55′18″E / 42.36528°N 10.92167°ETagboan: 42°21′55″N 10°55′18″E / 42.36528°N 10.92167°E |
Tipo | Ship grounding |
Kawsa | Nagbangga' sa matatarom na gapo kan ini naglisya sa dating ruta |
Mga partisipates | 4,252 (3,206 mga pasahero; 1,023 tripulante asin personahe) |
Mga nagadan | 33 (27 pasahero, 5 tripulante, 1 paraligtas) |
Mga nalugadan na dae-gadan | 64 |
Kapitan | Francesco Schettino |
Operador | Costa Crociere |
Salvage |
|
Kan 13 Enero 2012, an nag'eedad na 8-taon na Costa Cruises luxury cruise Costa Concordia yaon sa pangenot kaini na ruta sa paglibot-libot sa Dagat Mediterraneo kan ini naglikaw sa planadong ruta sa tungod kan Isola del Giglio, Tuscany, nagraning gayo sa isla, asin sa dai hinuhunang pangyari, nasi'si' an gilid kaini sa matatarom na kagagapoan. Nagresulta sa pagtagilid kaini asin paglubog kan sarong gilid, dangan nagaot sa nag'uuldot na gapo, asin sa nagngingirit na gilid, duman na luminaog an tubig. Anom na oras na pagkaramas-kamas kan mga nanonongdan sa pagligtas kan mga pasahero asin madara sa pampang, iyo man giraray igwang nagkadirisgrasya: 33 katawo nagadan, 27 kaini pasahero, 5 an tripulante, asin ngapit may sarong paraligtas an nakadamay pang nagadan.
Sarong imbestigasyon an ginibo na nagturuhok sa kun anong mga pagkukulang sa prosedimyento na sinunod kan mga tripulante asin kapitan kan Costa Concordia, na si Francesco Schettino, na sinasabing naglayas amayon na gayo. An kapitan naghale binayaan an 300 na pasahero sa naglulubog na bapor, asin kadaklan sainda sinapwat nin mga helicopter asin mga barotong nagdurulok sa pagtabang. Si Schettino nakua kan Korte may kasa'lan nanggad sa kargong manslaughter asin sinentensyahan nin 16 taon sa preso. Maski dakukolon man na pagtutuyaw an ibinatikal sa kompanyang kagsadiri kaini na iyo an Costa Cruises asin an kopmpanyang kag'ama an Carnival Corporation, ini dai pinaatubang sa anoman na kargo kriminal.
An total na kalugihan sinapo bunga kan disaster na ini, kabarali diyan an kompensayon sa mga biktima, pagpalataw, pagguyod asin pagbaraak bilang dyank na lang, pigtantyang nag'abot $2 bilyon, tolong beses kakostoso kan paggibo kaini na nag'abot $612 milyon. An Costa Cruises nagtangro nin kompensasyon sa mga pasahero {sagkod sa hangganan na €11,000 an saro katawo) sa pagbayad sa mga danyos, kaiba an gasto sa plete; saro katolohan (1/3) an nag'ako kan itinangro' na kompensasyon.
![](http://upload.wikimedia.org/wikipedia/commons/thumb/1/16/Italy_provincial_location_map_2016.svg/200px-Italy_provincial_location_map_2016.svg.png)